Tra tra trallala, so fot doch jedes Chaschperlitheater a. D’Chinder si ganz gschpannt wär usserem Chaschper alles mitspielt.
Es isch dr Abdul Ali Ben Sandi, e richtige Beduin, sis Töchterli Fatma, es uuuralts Dromedar de Yussuf und de funket au no dr fräch Wüeschtetüüfel Bala-Bala-Bumba dri.
Ojee im Brunne i der Wüeschti hets kei Wasser me. Die schöni Oase und Bananebäum und alli Dromedar müesse verdurschte. S‘ Dromedar Yussuf isch der Chaschper go sueche, dass är ihne chönnti hälfe. Der Wüeschtetüfel hets Töchterli Fatma mit is Wüeschteloch mitgno, dass äs die 3 Tüfelsteine cha poliere. Der Chaschperli het natürlich scho e Idee, wie me s’Prinzässli cha befreie. S’Dromedar het es Zält über sich gnoh und im Chaschperli si Chopf het nur no obe use gluegt. So het der Tüfel gmeint är sig es grosses Gschpängscht. Der Yussuf het im Wüeschtetüfel e sone starche Schutt gäh, dass är wit i der Wüeschti verschwunde isch. S’Prinzässli isch wieder befreit gsi und het die 3 Tüfelstei grad mitgno. Alli i Brunne wärfe und scho hei si wieder Wasser im Brunne gha. S’Dromedar het natürlich grad müesse Wasser drinke und der Chaschper aspöie, hi hi…..
Danke viel mou für die tolli Vorfüehrig. Es isch immer schön strahlendi Chinderauge z’gseh.
Danke de vielne Bsuecher, so hei mir doch wieder e Bazze i öisi Kasse chönne due.
Nach em Chaschperlitheater het me no feini Spaghetti mit 3 Sorte Sauce chönne chaufe. Die feine Chüeche si natürlich au guet aacho.
Allne Turnerinne es härzlichs Dankeschön
Alle Jahresberichte 2023 zum Lesenoder unter Verein - Informationen
Wir suchen eine MuKi Leiterin zur Unterstützung unseres Teams
